मराठीत लिहा

अपूर्ण राहिलेले शिक्षण करा पूर्ण..

घरची परिस्थिती गरीबीची असल्याने काही होतकरू गरीब विद्यार्थ्यांना दहावी- बारावीत शिक्षणाला रामराम ठोकावा लागतो. घराची संपूर्ण जबाबदारी स्वीकारून कमी वयात काही तरी व्यवसाय अथवा छोटी-मोठी नोकरी शोधावी लागते. काही विद्यार्थ्यांच्या बाबतीत तर काही वेगळेच आहे. ज्या वयात हातात पुस्तक पाहिजे असते, त्या वयात त्यांच्या हातात स्टोव्हच्या धुराने काळवंडलेले चहाचे पातेले असते. अशा काही होतकरू प्रौढ विद्यार्थ्यांचे या ना त्या कारणाने शिक्षण अपूर्ण राहिलेले आहे, त्यांना आता त्यांचे अपूर्ण राहिलेले शिक्षण पूर्ण करता यावे यासाठी वेगवेगळ्या संस्था पुढे सरसावल्या आहेत. अशा प्रौढ विद्यार्थ्यांनी मनावर घेतले तर ते त्यांचे अपूर्ण राहिलेले स्वप्न पूर्ण करून तेच त्याच्या जीवनाला नवसंजीवनी देऊ शकतात.

1) इंदिरा गांधी नॅशनल ओपन युनिव्हर्सिटी-
हे विद्यापीठ संपूर्ण भारतात कार्यरत असून या विद्यापीठातून सर्टिफिकेट, डिप्लोमा, पदवी व पदवीत्तर पर्यंतचे शिक्षण पूर्ण करता येते. या विद्या‍पीठात प्रवेश घेण्यासाठी वयाची कुठलीही अट नसते. त्यासाठी पूर्ण वेळ महाविद्यालयात हजर राहण्याचीही आवश्यकता नाही. कामगार, संसारी स्त्रिया, खेड्यात राहणारे तसेच मध्यंतरी शिक्षण सोडलेल्या उमेदवारांना फावल्या वेळात या विद्यापीठाच्या माध्यमातून शिक्षण पूर्ण करता येते. व्यवस्थापन, समाजशास्त्र, फाइन आर्ट, अभियांत्रिकी, शेतकी डिप्लोमा आदी अभ्यासक्रमही उपलब्ध आहेत.

अधिक माहितीसाठी संपर्क-
1) संचालक, इंदिरा गांधी युनिव्हर्सिटी,(अॅडमिनिस्ट्रेशन अँण्ड इव्हॅल्युएशन) के- 76, हौजखास नवी दिल्लीClick here to see more news from this city 110 016.
2) संचालक, सिम्बॅयसिस इंटरनॅशनल कल्चरल अॅण्ड एज्युकेशन सेंटर, सेनापती बापट रोड, पुणे (महाराष्ट्र) 411 004.

2) यशवंतराव चव्हान महाराष्ट्र मुक्त विद्यापीठ, नाशिक
ज्यांनी वयाची 20 वर्षे पूर्ण केली आहे परंतु, जे 12 वी अनुत्तीर्ण आहेत त्यांना 3 ते 4 महिन्यांचा पूर्वतयारी अभ्यासक्रम पूर्ण करून वाणिज्य किंवा आर्ट शाखेतील पदवी प्राप्‍त करता येऊ शकते. त्यामुळे शिक्षण अर्धवट राहिलेल्यांना या विद्यापीठातील अभ्यासक्रम पूर्ण करून पदवीचे आपले स्वप्न पूर्ण करता येते. माध्यमिक शिक्षकांसाठी सेवातंर्गत शिक्षक प्रशिक्षण आणि बी.एड. करण्याची सोय या विद्यापीठाने उपलब्ध करून दिली आहे. शैक्षणिक तंत्रज्ञान व विकास या क्षेत्रात एम.फिल.ची सोय आहे. तसेच शेतकरीवर्गासाठीही विविध पिकासंदर्भात मार्गदर्शनपर अभ्यासक्रम सुरू केले आहे.

अधिक माहितीसाठी संपर्क-
1) डी.जी. रूपारेल कला, वाणिज्य व शास्त्र महाविद्यालय, माटुंगा रोड स्टेशन समोर, मुंबईClick here to see more news from this city -16
2) मॉडर्न कॉलेज, वाशी नवी मुंबई
3) के. ग.जोशी कला आणि ना.गो.बेडेकर वाणिज्य महाविद्यालय, बंदर रोड ठाणे
4) ए.एस.पी कॉलेज, पनवेल.
5) आबासाहेब गरवारे कॉलेज, कर्वे रोड पुणे 4
6) नेस वाडिया कॉलेज, कॅ़म्प, पुणे 1
7) लालबहादुर शास्त्री महाविद्यालय, सातारा
8) संगमेश्वर महाविद्यालय, सोलापूर
9) सद्‍गुरू गाडगे महाराज कॉलेज, कराड
10) नवभारत शिक्षण मंडळ, सांगली
11) अहमदनगर कॉलेज, अहमदनगर
11) आर्टस आणि कॉमर्स कॉलेज, जव्हार
12) महाराजा सयाजीराव गायकवाड कला, वाणिज्य व विज्ञान महाविद्यालय मालेगाव कॅम्प, जि. नाशिक
13) जयहिंद महविदयालय, देवपूर
14) सरस्वती भुवन महाविद्यालय, औरंगपुरा, औरंगाबाद
15) आर.जी.बागडिया आर्टस, सायन्स एण्ड कॉमर्स कॉलेज, जालना
16) श्री शिवाजी कॉलेज ऑफ आर्टस, सायन्स एण्ड कॉमर्स परभणी
17) रामकृष्ण परमहंस महाविद्यालय, उस्मानाबाद
18) राजर्षि शाहू महाविद्यालय, लातुर
19) यशवंत महाविद्यालय, नांदेड
20) स्वामी रामनंद तीर्थ महाविद्यालय, अंबेजोगाई
21) श्री शिवाजी कला व वाणिज्य महाविद्यालय अमरावती
22) सी.पी व बेरार शिक्षण संस्थेचे महाविद्यालय, तुळशीबाग, नागपूर
23) लक्ष्मीबाई राधाकिसन कॉलेज, अकोला
24) अमोलकचंद महाविद्यालय, यवतमाळ
25) जशभाई मूळजीभाई पटेल महाविद्यालय, भंडारा
26) सरदार पटेल महाविद्यालय, चंद्रपूर
27) मूळजी जेठा महाविद्यालय, जळगाव
3) श्रमिक विद्यापीठ, मुंबई
या विद्यापीठाचे विशेष म्हणजे येथे कामगारांसाठी विविध कोर्सेस उपलब्ध आहेत. त्यासाठी पूर्व शिक्षणाची कुठल्याही प्रकारची अट नाही. कामगारांच्या सोयीच्या वेळेत येथे अभ्यासक्रम शिकविले जातात. मराठी माध्यम असल्याने महाराष्ट्रातील होतकरू कामगारांना शिक्षण पूर्ण करण्याची उत्तम संधी आहे. वायरमन, वॉच दुरूस्ती़, टेलरिंग, बुक बाईंडिंग, ब्युटीशियन, भरतनाट्यम, सुतारकाम, सायकल रिपेअरिंग, बेकरी प्रॉडक्टस, स्क्रीन प्रिंटींग, बाहुल्या तयार करणे, नाट्य अभिनय, वेल्डींग, प्रथमोपचार, फिटर, बागकाम, रेडिओ व टेलिव्हिजन दुरूस्ती, मोटर वाईंडिंग, प्लंबिंग, फोटोग्राफी, रबर स्टॅम्प तयार करणे, राख्या तयार करणे, खडू तयार करणे, मेणबत्ती तयार करणे, जॅम व सरबत तयार करणे, काजू प्रक्रिया असे विविध प्रकारचे कोर्सेस उपलब्ध आहेत.

अधिक माहितीसाठी संपर्क-

श्रमिक विद्यापीठ, समाज शिक्षण मंदिर, आदर्श नगर वरळी, मुंबईClick here to see more news from this city 422 433

4) बहि:स्थ अभ्यासक्रम
ज्यांचे शिक्षण अर्ध्यातूनच सुटलेले आहे. त्यांच्यासाठी भारतातील 31 विद्यापीठांनी टपालाने पदवीपर्यंतचे शिक्षण पूर्ण करण्याची संधी उपलब्ध करून दिली आहे. मुंबई विद्यापीठात 12 वी उत्तीर्ण असणार्‍यांसाठी बी.ए. आणि बी. कॉमचा तीन वर्षांचा अभ्यासक्रम तर पदवीधरांसाठी एक वर्ष मुदतीचा फायनान्शियल मॅनेजमेंट हा अभ्यासक्रम सुरू केला आहे.

अधिक माहितीसाठी संपर्क-
1) संचालक, डायरेक्टोरेट ऑफ कॉरसपॉण्डन्स, कोर्सेस, युनिव्हर्सिटी ऑफ बॉम्बे, युनिव्हर्सिटी क्लब हाऊस, बी रोड चर्चगेट मुंबई.
2) एस.एन.डी.टी विमेन्स युनिव्हर्सिटी डिपार्टमेंट ऑफ कॉरसपॉण्डन्स कोर्से, जुहू, विद्याविहार, सांताक्रूझ(प) मुंबई
3) मा. कुलसचिव, पुणे विद्यापीठ, गणेश खिंड, पूणे
4) विद्यापीठ उपकेंद्र, द्वारा न्यू आर्ट, सायन्स कॉलेज, अहमदनगर
5) विद्यापीठ उपकेंद्र, द्वारा भाऊसाहेब हिरे वाणिज्य व अण्णासाहेब मुरकुटे विज्ञान महाविद्यालय, नाशिक
6) विद्यापीठ उपकेंद्र, द्वारा जयहिंद साहित्य, विज्ञान आणि वाणिज्य महाविद्यालय, धुळे

इंग्रजी शिकण्याची सोपी पध्दत

कुठलीही भाषा आत्मसात करणे, म्हणजे दुसर्‍याने बोललेली किंवा लिहिलेली भाषा समजणे होय. तसेच त्या भाषेत आपल्या मनातील विचार व्यक्त करता आले पाहिजेत. एखादी भाषा शिकणे म्हणजे त्या भाषेची जाण व अभिव्यक्ती या दोन्ही गोष्ट आवश्यक आहेत. आपण आपली मातृभाषा आई-वडील, कुटूंब व शेजारी पाजारी यांच्याशी बोलून अथवा ऐकून शिकत असतो. इंग्रजीही अगदी त्याचप्रमाणे सहज शिकू शकतो.

भाषा शिकण्याचे वातावरण-
इंग्रजी भाषा आपली मातृभाषा अथवा बोलीभाषा नाही. त्यामुळे ती आत्मसात करण्‍यासाठी मातृभाषा शिकण्‍याचे वातावरण मिळू शकत नाही. मात्र, काही प्रमाणात तरी तसे वातावरण निर्माण करता येते. दहावीपर्यंत मातृभाषेचा पाया पक्का झाल्यानंतर आणि इंग्रजीची चांगली ओळख करून घेतल्यानंतर पुढची पायरी म्हणजे अशा कॉलेजची निवड केली पाहिजे की, तेथे सगळे विषय इंग्रजी भाषेत शिकवले जातात. त्यामुळे इंग्रजी भाषा कानावर वारंवार पडेल. शाळेत येण्यापूर्वी टीव्हीवर इंग्रजी भाषेतील कार्यक्रम अधिकाधिक बघावे किंवा ऐकावे.

याच प्रकारे रेडियोवर इंग्रजी बातम्या व इंग्रजी भाषेतील कार्यक्रम ऐकावे. कुठलीही भाषा शिकायची असल्यास ती जास्तीत जास्त ऐकणे, ही भाषा शिकण्याची पहिली पा‍यरी आहे. मराठी बातम्या, त्यानंतर हिंदी समाचार व त्यानंतर इंग्रजी न्यूज दूरदर्शनवर येत असतात. त्यामुळे इंग्रजी भाषा समजण्यास सोपी जाते.

ऐकलेले वाक्य स्वत: बोलण्याचा सराव-
सगळ्यात आधी संदर्भ दृश्यावरून बहुतेक गोष्टी कळून जातात. ऐकलेली लहान लहान वाक्ये आपण स्वत: तयार करून त्याची एक टिप्पणी तयार करून त्याचे पाठांतर करावे. टिप्पणीतील नावाच्या जागी आपल्या कुटुंबातील सदस्यांची नावे टाकून आपण स्वत: अधिक वाक्ये तयार करून ती लिहू, बोलू शकतो. इतर भाषांप्रमाणे इंग्रजी भाषा आधी बोलणे, त्यानंतर लिहिणे व मग वाचणे शिकले पाहिजे.

आपल्या मित्र मंडळीत किंवा आपल्या भाऊ बहिणींशी बोलताना आपण इंग्रजीत बोलण्याचा सराव केला पाहिजे. सुरूवातीला बोलताना चुका होतील. परंतु, त्याकडे दुर्लक्ष केले पाहिजे.

भाषेतील शब्दसंपत्ती वाढवा-
भाषा ही अक्षर, शब्द व वाक्यांनी बनली आहे. मात्र, अक्षरानी बनलेल्या शब्दाना व शब्दांपासून बनलेल्या वाक्यांच्या योग्य त्या समन्वयाने भाषा बनत असते. कुठल्याही शब्दाचे स्पेलिंग किंवा अर्थ पाठ करून घेणे पुरेसे नाही. तर त्याचा योग्य संदर्भासहीत वाक्यात उपयोगही करता आला पाहिजे. त्यामुळे इंग्रजी भाषेचा अभ्यास करण्यासाठी शब्दकोष जवळ असते आवश्यक आहे.

काही शब्द चमत्कारीक असतात. त्यांचा अर्थ वाक्यानुरूप अथवा स्थळानुरूप बदलत असतो. त्यामुळे त्या शब्दाचे वाक्यात रूपांतर करणे आधी शिकले पाहिजे. शब्द भांडार वाढवल्याने भाषा शिकणे अधिक सोपे जाते.

व्याकरणाची मदत-
व्याकरण शिकल्यानंतरच भाषा शिकली जाते, असे नाही. लहानपणापासून बोलत असलेली मातृभाषा शिकताना कुठे आपण आधी व्याकरण शिकलो होतो. इंग्रजी भाषा परिपूर्ण शिकण्यासाठी व्याकरणाची मदत होत असते. इंग्रजी बोलताना आपण हळूहळू व्याकरणाचाही अभ्यास करता येऊ शकतो.

ऐकणे व बोलणे शिकल्यानंतर लिहिणे-वाचणे शिकावे-
भाषा ही मुख्यत: बोलण्यासाठी असते. परंतु, आपण ती ‍लिहिण्यासाठी व लिहिलेले वाचण्याची कला आत्मसात करून घेतली आहे. प्रत्येक भाषा बोलण्याचे एक विशिष्ट प्रकारचे तंत्र असते. त्याचप्रमाणे इंग्रजी शिकण्याचे तंत्र आहे. परंतु, इंग्रजी शिकत असताना मातृभाषाकडे दुर्लक्ष करून चालणार नाही.

गुरुमंत्र ...

आत्मविश्वासासाठी सूक्ष्म अभ्यास- अनिरूध्द कुलकर्णी
यशाचे बीजगणित!
नशिबात असेल तेच मिळेल
इतरांचेही दु:ख पहा
दुसऱ्यांचे उपकार विसरू नका
इच्छाशक्तीच्या बळावर जगही जिंकता येते
एका लाकूडतोड्याची गोष्ट
मन करारे प्रसन्न सर्व सिद्धीचे कारण
आई-वडिलांना विसरू नका
जर मनच अशुद्ध तर.....
विश्वासघात म्हणजे आत्मघात
सौजन्य - मराठी वेबदुनिया

मुला-मुलींसाठी वाटा करीअरच्या ...

टुरिझम मॅनेजमेंटमध्ये करीयरची संधी
इव्हेंट मॅनेजमेंटमध्ये करीयर
हॉटेल मॅनेजमेंटमध्ये करीयर
'सिक्युरिटी मॅनेजमेंट'मध्ये करीयर
खगोलशास्त्रात करियर करा.
एएफएमसीच्या डॉक्टरांना मिळते प्रतिष्ठा
सायबर लॉ- एक करियर
शिक्षणाचे माहेरघर, 'पुणे विद्यापीठ'
ई-लर्निंगमधून झटपट बना कंपनी सेक्रेटरी
अ‍ॅनिमेशन: भविष्यातील रूपेरी कर‍िअर
भारतीय वन सेवा
पेट्रोलियम इंजिनियरींग
बिजनेस मॅनेजमेंट, पर्यांयांचा वटवृक्ष
एचआरमध्ये करीयरची संधी
बँक ऑफ महाराष्ट्रात नोकरीची संधी
क्रीडा क्षेत्रात करीयर करा
प्राणीशास्त्र- एक उत्तम करिअर
एमसीएत उज्वल भवितव्य
'रोबोटिक्स'मध्ये सृजनात्मक करियर
इंटिरियर डिझाइनिंगमध्ये करियर
रेडिओ जॉकी म्हणून करियर
गेम डिझायनिंगमध्ये करियर
पर्यटनमध्ये उज्ज्वल करियर बनवा!
वास्तुशास्त्रात करियर बनवा!
परदेशी भाषांमध्‍ये करीअरच्‍या उज्ज्वल संधी
ग्राफिक डिझायनिंग- उत्तम करियर
नृत्य प्रशिक्षण व संधी
नृत्यात करीयरसाठी पूर्वअट
नृत्य करीयरः एक संधी
फोटोग्राफी एक उज्ज्वल करियर
भाषेतील करियर
टेक्निकल राइटिंग : सुवर्ण करियर
हवामानशास्त्र एक उत्तम करियर
सैन्यदल आव्हानात्मक करियर
डाएटिशियन- एक करीयर
फॅशन, इमेज स्टायलिंगमध्ये करीयर
बायोमेडिकल इंजिनियरींगमध्ये करियर
संगीत क्षेत्रात करीयर
सौजन्य - मराठी वेबदुनिया

‘नोटपॅड’वर शिका हसत खेळत गणित

गणिताचा अभ्यास म्हटला की, मुलांच्या चेह-यांवर नाराजी स्पष्ट दिसते यावर उपाय म्हणून गिरगाव येथे राहणारे विनायक बर्वे यांनी संगणकावर गणित सोडवण्यासाठी आगळंवेगळं ‘नोटपॅड’ तयार केलं आहे.
मुलांना आवडीच्या विषयाचा अभ्यास करायला सांगितला की, त्यांचा चेहरा खुलतो. परंतु, गणित हा बहुतेकांचा नावडता विषय, त्यामुळे गणिताचा अभ्यास म्हटला की, मुलांच्या चेह-यांवर नाराजी स्पष्ट दिसते. ते टाळाटाळ करू लागतात. त्यांच्या पोटात काय दुखेल, डोकं काय दुखेल, अशी नाना कारणं काढून अभ्यास टाळण्याचा प्रयत्न ती करून बघतात. गुणाकार, भागाकार, बेरीज, वजाबाकी यांची जुळवाजुळव करेपर्यंत त्रिकोणमिती, प्रमेय अशा किचकट कारणांमुळे बहुतांशी विद्यार्थ्यांचा गणित हा विषय नावडता झाला आहे. परीक्षेत जेमतेम गुण मिळतील, या बेतानेच त्यांचा अभ्यास सुरू असतो. परंतु, आता गणितात तुम्हाला जास्तीत जास्त गुण मिळावेत, म्हणून गिरगाव येथे राहणारे विनायक बर्वे यांनी संगणकावर गणित सोडवण्यासाठी आगळंवेगळं ‘नोटपॅड’ तयार केलं आहे. या नोटपॅडद्वारे अगदी दुसरी ते दहावीपर्यंतच्या विद्यार्थ्यांना संगणकावर चुटकीसरशी गणित विषय समजावून घेता येणार आहे.
हल्ली शाळेतली लहानलहान मुलंही संगणकावर विविध प्रकारचे खेळ लीलया खेळतात। एकवेळ घरातल्या मोठ्यांना संगणकाची एखादी किमया माहिती नसते, पण मुलं मात्र आपल्या आईवडिलांनाच शिकवताना दिसतात. अशाच कम्प्युटरसॅव्ही मुलांसाठी बर्वे यांनी संगणकावर गणित सोडवण्यासाठी ‘नोटपॅड’ तयार केलं आहे. वहीवर गणिताची उजळणी करता करता वह्या भरून जातात, पण गणिताची समीकरणं काही डोक्यात घुसत नाहीत. संगणकावरचं हे नोटपॅड तब्बल दोन हजार पानांचं असून लिहिलेली पानं खोडून ती पुन्हा वापरता येतात. दुसरीपासून दहावीपर्यंतच्या सर्व विद्यार्थ्यांसाठी हे नोटपॅड उपयोगी आहे. सुपर इलेक्ट्रॉनिक्स प्रायव्हेट लि. संस्थेने तयार केलेल्या मॅथमॅटिकल नोटपॅडचा मुख्य उद्देश विद्यार्थ्यांनी संगणकाच्या माध्यमातून गणिताचा अत्यंत सोप्या पद्धतीने सराव करावा, हा आहे. या विषयात असणारे अंकगणित, बीजगणित, भूमिती यातील गणित दररोज मराठी आणि इंग्रजीतून सोडवावीत. नोटपॅडमध्ये गणिताची दोन टूलबॉक्स असून ज्युनिअर टूलबॉक्स पहिली ते पाचवीपर्यंतच्या विद्यार्थ्यांसाठी आहे. त्यात चिन्ह व साधनांच्या माध्यमातून गणितं स्वत: सोडवावी लागतात. सिनिअर टूलबॉक्समध्ये पहिली ते दहावीपर्यंत उपयोगी असणारी चिन्हं दिलेली आहेत. समजा, आपल्याला ३.५ त्रिज्येच्या वर्तुळात समभूज त्रिकोण काढायचा आहे. अशा वेळी बाजूला दिलेल्या टूलबॉक्सची चिन्हं वापरून हे गणित सोडवता येतं. प्रत्येक इयत्तेतील विद्यार्थ्यांसाठी टूलबॉक्स कसा हाताळावा, याची माहितीही दिलेली आहे. उदाहरणार्थ दहावीसाठी तयार केलेल्या सीडीमध्ये एसएससी बोर्डातर्फे तयार केलेला अभ्यासक्रम, त्यामध्ये असलेली उदाहरणं सोडवून दाखवलेली आहेत. विद्यार्थ्यांनी स्वत: सराव करणं महत्त्वाचं आहे. लहान मुलांसाठी चढता-उतरता क्रम बैजिक राशींसारखी मोठी उदाहरणं सहज सोडवता येतात. ब-याच विद्यार्थ्यांचे २ ते ३० पर्यंतचे पाढे पाठच नसतात. परंतु या नोटपॅडमध्ये‘हसत खेळत पाढे पाठ’ करण्याची ही सोय उपलब्ध केली आहे. शिवाय कंटाळा आला तर गेम्स आणि गाणी आहेतच. आहे की नाही धम्माल! मराठी आणि इंग्रजी अशा दोन्ही माध्यमांसाठी हे नोटपॅड आहेत. आपण कोणती गणितं सोडवलेली आहेत, ती नंतर बघण्याची यात सोय आहे. यामुळे मागील गणित करताना कोणत्या चुका झाल्या होत्या, हे लक्षात येऊन पुन्हा त्या होणार नाहीत, याचीही खबरदारी घेता येते. तसंच, मुलाने नोटपॅडवर दिवसभरात कोणता अभ्यास केला, हे पालकांनाही पाहता येणार आहे.
This सॉफ्टवेर will be available at following address। at Mumbai. Supergal Electronics Pvt. Ltd.162, Mohan Building, Laxmi Chawl,J. S. S. Road, Mumbai 400 004.Maharashtra. Contact. Mr. Vinayak BarvePlease contact on mobile Tel.No. 9222093864 or land line (022) 23871954.ईमेल : vinayakba@जीमेल.com, vmbarvevmb@yahoo.co.in
कीमत - ३२५ रु.